Протеински кето мекици

Состојки

• 400 гр протеинско кето брашно
• 12 гр сув квасец
• 12 гр бел шеќер
• 2 јајца
• 300 гр јогурт
• голем прстофат сол
• 50 мл вода
• 10 гр маслиново масло – за во тестото
• 150 гр маслиново масло – за пржење

Подготовка

1. Во мал сад ставете ги квасецот, водата, шеќерот и малку брашно. Измешајте и оставете десетина минути за да се активира квасецот. (Не грижете се, квасецот ќе го „изеде“ шеќерот, што значи тој не останува во мекиците.)
2. Во поголем сад ставете го остатокот од брашното, јогуртот, солта, 10 гр маслиново масло и смесата со квасецот.
3. Измесете убаво додека не добиете меко и компактно тесто.
4. Оставете го тестото  60-90 мин. убаво да нарасне.
5. Поделете го тестото на 7 еднакви делови и формирајте топчиња.
6. Со сукало секое топче исукајте го малку, колку да добие убава тркалезна форма.
7. Загрејте 150 гр маслиново масло во тава и пржете ги мекиците. Се пржат многу брзо – околу 30 секунди од секоја страна, односно додека убаво заруменат.
8. Испржените мекици извадете ги на кујнска хартија за да се впие вишокот масло.

Послужете ги топли, со сирење и домати или по желба.

Нутритивни вредности на една мекица:

• 38 гр протеини
• 25 гр масти
• 4,5 гр нето јаглехидрати

Благодарност до Александар за приложениот рецепт 👌