Кето протеинско брауни 🍰🍫

Сочно и богато чоколадно брауни со кремаст чоколаден фил, путер од кикирики и свежо овошје.

Потребни состојки

За браунито:

• 200 гр павлака со 20% масленост
• 50 гр протеин во прав
• 4 јајца
• 2 лажички стевиа
• 1 лажичка прашок за печиво
• 2 лажички какао
• 2 реда чоколадо (со ниска содржина јаглехидрати), изрендано

За чоколадниот фил и прелив:

• 20 гр млечен путер (или кокосово масло)
• 60 гр темно чоколадо (со ниска содржина јаглехидрати)
• ½ лажичка стевиа

За декорација и дополнителен вкус:

• 30 гр путер од кикирики
• свежи јагоди и/или малини

Подготовка

1. Во сад изматете ги павлаката, јајцата, протеинот, стевиата, прашокот за печиво и какаото додека не добиете мазна смеса.
2. Додадете го изренданото чоколадо и промешајте.
3. Истурете ја смесата во калап обложен со хартија за печење.
4. Печете на 180°C околу 20 минути.
5. Оставете целосно да се излади.

За преливот

1. На тивок оган растопете ги путерот и темното чоколадо.
2. Додадете ја стевиата и мешајте додека не добиете мазен и сјаен прелив.
3. Прелијте го рамномерно врз изладеното брауни и оставете неколку минути да се стегне.

Декорација

1. Со лажица или шприц нанесете го путерот од кикирики во тенки линии или мали купчиња врз чоколадниот прелив.
2. Декорирајте со свежи јагоди или малини за дополнителна свежина и вкус.

Послужете кога преливот малку ќе се стегне и уживајте во кремасто кето брауни.

Целиот рецепт содржи:

• 93 гр протеини
• 120 гр масти
• 20 гр нето јаглехидрати

Благодарност до Александар за приложениот рецепт 👌